“S group travel” şirkəti fəaliyyətini tamamilə dayandırmayıb.

Bu sözləri Kult.az-a açıqlamasında müğənni Emil Bədəlov travel şirkətinin fəaliyyətini dayandırması ilə bağlı mediada yayılan xəbərlərə aydınlıq gətirərkən söyləyib. Onun sözlərinə görə, şirkətin bağlanmasına səbəb daxili problemlərdir:

“Sadəcə, bir müddətliyinə şirkətin fəaliyyətini dondurmalı olduq. Səbəbin nə olduğunu açıqlamaq istəmirəm. Ola bilsin, mart ayından etibarən fəaliyyətimizi yenidən bərpa edək”.

Qeyd edək ki, müğənniyə məxsus travel şirkəti ötən ilin sentyabr ayından etibarən İnstaqram səhifəsində paylaşımlarını dayandırıb.