Xalq artisti Faiq Ağayev Zuhal Topalla izdivaç" verilişindən qovulan azərbaycanlı gəlin namizəd Naz Milanın 20 Yanvar - Ümumxalq hüzn günü Türkiyədə klubların birinin açılış konsertində iştirak etməsinə dair paylaşımlarına etiraz edib.

Kult.az xəbər verir ki, xalq artisti bu barədə Feysbuk hesabında yazıb. O bildirib ki, artıq 20 Yanvar dəhşətini formal qəbul etməyə başlayıblar:

"Elə bil heç bu zülüm olmayıb. Hansı mühitdə böyüyüb bu şəxs? Nə yeyib, nə içib? Kimdir onun valideynləri, müəllimləri, əhatəsi?

Necə axı vicdan yol verir belə manqurtluğa? Biri məşqə tələsir, digəri də ki - belə...
Faciədir"!

Qeyd edək ki, Türkiyədə evlilik proqramında məşhurlaşan azərbaycanlı gəlin namizəd Naz Mila sosial şəbəkədə Türkiyədə klubların birində konsertdə iştirak edəcəyi barədə məlumat paylaşıb. Həmin əyləncəli tədbirin 20 Yanvar – Ümumxalq hüzn gününə təsadüf etməsi və Nazın orada iştirak etməsi hər kəsi özündən çıxarıb.