Türkiyənin TV8 kanalında yayımlanan “Yetənək sizsiniz” yarışmasının yarımfinalında iştirak edən Həzrət və İbrahim adlı azərbaycanlı iştirakçılar münsifləri inanılmaz şousu ilə heyrətə salıb.

Publika.az xəbər verir ki, azərbaycanlı gənclər “Yetənək sizsiniz” yarışmasının tarixində ilk dəfə kublarla illüziya şousu nümayiş etdirib. Hülva Avşar "Həyatımda gördüyüm ən maraqlı kub oyunudur" , - deyə bildirib.

Həzrət adlı iştirakçı Hülya Avşardan və Acun Ilıcalıdan kubları qarışdırmağı xahiş edib. Daha sonra isə onların gözünün içinə baxaraq tək əllə başqa bir kubu digərinə baxmadan eyni hala gətirib.

Həmyerlilərimiz növbəti mərhələyə keçmək üçün bütün münsiflərdən müsbət rəy və yüksək xal alıb.