“Maşın” şouda dava düşüb.

Kult.az Publika.az-a istinadən xəbər verir ki, davaya səbəb Əli Mirəliyevin “Buradakılar ipiqırıqdı” ifadəsi olub. “İpiqırıq” sözünə isə meyxanaçı Ələkbər Yasamallı etiraz edib. O, Əli Mirəliyevin “cəm” danışmamasını deyib.

Mirəliyev isə daha sonra sözünü dəyişərək “Mən musiqiçiləri nəzərdə tuturam. 50 ildir bu sənətdəyəm, bunlar ipiqırıqdır. 5-10 manatdan ötrü atalarını, analarını satarlar”.

Əlinin fikrinə etiraz edənlərdən biri də Roza Zərgərli olub. O, araya girərək Yasamallını sakitləşməyə çağırıb.

Əli Mirəliyev isə səsini qaldıraraq, “Ala, səndən danışan yoxdur, sən meyxanaçısan, musiqiçi deyilsən. Atın mənim şəklimi, səsverməyə mən çıxacam” sözlərini işlədib.

Qeyd edək ki, oyunda səsverməyə çıxarılan müğənni Roza Zərgərli 57.72 səs toplayıb. O, meyxanaçı Ələkbər Yasamallını bilmədən əlini maşından çəkməsinə görə, yəni qayda pozuntusuna yol verdiyi üçün oyundan uzaqlaşdırıb. Onun getməsi xanım iştirakçıları gözyaşına boğub.