"Keçən il "Maskarad" tipli doğum günü oldu. Bu dəfə tam başqa cür olacaq".

Bu sözləri Axar.az-a açıqlamasında xalq artisti Aygün Kazımovanın yanvarın 26-da keçiriləcək ad günü ilə bağlı tədbir barədə məlumat verərkən müğənninin prodüseri Tarix Əliyev dedi. Onun sözlərinə görə, bu yığıncaq ötən ilkindən xeyli fərqlənəcək:

"Sözün əsil mənasında qeyri-adi doğum günü gözləyir Aygün xanımı. Onunla qonaqların siyahısını hazırladıq və bəzi məşhurların adlarını dəvətlilər sırasına salmadıq. Aygün xanıma təklif etdim ki, hamı ya ağ, ya da qara geyinsin. Ad günü paytaxtın hündürmərtəbəli məkanlarından birində baş tutacaq. Eyni zamanda, Aygün xanıma çox maraqlı və gözəl sürpriz hazırlamağı planlayırıq".