Space TV-də həftə içi hər gün yayımlanan "Əsl şou" adlı verilişin aparıcılarından biri verilişdən uzaqlaşıb.

Axar.az xəbər verir ki, aparıcı Novruz İsmayılın verilişdən uzaqlaşmasına səbəb onun yaxın günlərdə eyni məkanda yeni bir formatlı başqa bir veriliş aparacağıdır.

Bu hadisə elə veriliş efirdə gedərkən məlum olub. Verilişinin iki aparıcısından biri Səidə Sultan Novruz İsmayılın yerinə efirə Elgün adlı gəncin çıxdığını görəndə təəccüblənib. Bir az sonra Novruz verilişə qonaq kimi dəvət olunub və o, gələcək planlarından danışıb.

O bildirib ki, yeni layihə üzərində işlərin çoxluğu onu "Əsl Şou"dan ayrılmağa məcbur edib.

Xatırladaq ki, indiyə qədər verilişin aparıcıları Novruz İsmayıl və müğənni Səidə Sultan idi.