Speys TV-nin efirində növbəti yeni layihə yayımlanıb.

Bu barədə Kult.az-a telekanaldan bildirilib. Qeyd edilib ki, söhbət Rövşanə Ağasəfqızının aparıcısı olduğu “Olduğu kimi” verilişindən gedir.

Məlumat verilib ki, veriliş həftəiçi hər gün 18.20-də yayımlanır: "Olduğu kimi" layihəsini digər verilişlərdən fərqləndirən cəhət hər günün fərqli adlarla təqdimatıdır.

Günlərdən "Xarıbülbül" - Qarabağ tarixindən, mədəniyyətdən, incəsənətindən, musiqisindən, eləcə də 44 günlük haqq savaşımızda can qoymuş qazi-şəhid əsgərlərimizin qəhrəmanlığdan bəhs edir.

Günlərdən "Sarı köşə" - ölkənin məşhur insanlarının, dünyasını dəyişmiş incəsənət xadimlərinin, söz sahibi olan kəslərin məhrəm dünyasına baş vurur, iç dünyalarını açmağa çalışır.

Günlərdən "Söz klub" - daha çox qadınlara meydan verir, cəmiyyətdə baş verənlərə qadın baxış bucağını sərgiləyir.

Günlərdən "Çoxbilmiş" - tamaşaçı ilə birbaşa ünsiyyətdir. Həkim, vəkil, hüquqşünas, psixoloq və s. Yəni tamaşaçıya təmənnasız xidmət, telefon zəngləri əsasında düzgün yönləndirmədir.

Günlərdən "Profil" - sərbəst mövzudur. Sosial şəbəkələrin ən məşhur fenomeni, statusu təhqir və tənqidlə yanaşma haqqında danışılır.