Təbii ki, üzr istəməsini daha üstün tuturam.

Bu sözləri müğənni Nazənin Təranə Qumralın vəkilinin açıqlaması haqda Axar.az-a danışarkən deyib. Müğənni Təranə Qumralın puluna ehtiyacı olmadığını bildirib:

"Məhkəmə qərarı ilə bağlı qətnamə dəyişilməyib. Hər şey yerindədir. Sadəcə, orada pul və üzr istəmək məsələsi var idi. Çünki mənim şəxsiyyətim təhqir edilib. O, buna görə məndən üzr istəyəcək.

O, üzr istəməli olması haqda məlumat verməyib. Sadəcə bildirib ki, məhkəmə qərarına əsasən ödəyəcəyi məbləğ azaldılıb. Onun pulu nəyimə lazımdır? O kimdir ki, mən onun pulunu alım? Bizdən üzr istəməlidir və inşallah, buna nail olacağıq".

Xatırladaq ki, Təranə Qumralın vəkilinin Axar.az-a verdiyi məlumata görə, Bakı Apelyasiya Məhkəməsi yerli məhkəmənin çıxardığı qərardakı təhqirə görə mənəvi ziyanın əvəzi kimi Salayeva Nazəninin xeyrinə İbrahimova Təranə Xeyrulla qızından 10000 (on min) manat tutulması hissəsini ləğv edərək, 500 (beş yüz) manat tutulmasını müəyyən edib.