Müğənni Almaz Ələsgərlinin həmkarı Sevda Yəhyayeva haqda səsləndirdiyi fikirlərə gənc müğənninin prodüseri Pərviz Əsgərov cavab verib.

Axar.az xəbər verir ki, prodüser sosial şəbəkədə Sevda Yəhyayevanı müdafiə edib. O, qalmaqallardan uzaq olmaq istədiyini desə də, bu dəfə əsəblərini cilovlaya bilməyib:

"Sevda Yəhyayeva 2004-cü ildən peşəkar səhnədə fəaliyyət göstərir. O, Teymur Göyçayevin rəhbərliyi altında orkestrlə canlı konsert verib. Heydər Əliyev Sarayında, Yaşıl Teatrda verdiyi konsertlərdə anşlaq yaşanıb. Ölkədən kənarda kliplər, albomlar, layihələr reallaşdırıb. Şükrlər olsun ki, heç biri uğursuz alınmayıb. Demək ki, səhnədə və gündəmdə qalmaq üçün əsrlər lazım deyil.

Gəlin sizin və Sevda Yəhyayevanın bu günə qədər olan fəaliyyətini yan-yana qoyaq. Fərqi özünüz görəcəksiz. Mən qalmaqal yaratmaq üçün bu fikirləri səsləndirmirəm. Ümumiyyətlə, qalmaqala ehtiyacımız yoxdur. Sadəcə, bundan sonra bizə qarşı kimsə hörmətsizlik etsə, bunun cavabını artıqlamasıyla alacaq".

Qeyd edək ki, müğənni Almaz Ələsgərli veriliş zamanı Sevda Yəhyayeva haqda "Onun oxuması üçün əsrlər lazımdır" fikrini səsləndirib.