Mən ad çəkmədən bir-iki söz deyəcəm, hamı məni başa düşəcək. Söhbətin kimdən getdiyini anlayacaq.

Axar.az xəbər verir ki, bu sözləri müğənni Natəvan Həbibi mərhum xalq artisti İlhamə Quliyevanın vəfatı haqda "Bizimləsən" verilişində danışarkən deyib. O, bir çox adamın xalq artistindən qorxduğunu bildirib:

"Niyə bu hadisələr 3-4 ay əvvəl olmadı? Niyə 3-4 ay əvvəl onun üstünə getmədilər? Bəlli bir vəziyyət var idi ki, onlara mane olurdu. Ondan qorxurdular. Niyə İlhamə Quliyeva tək qalanda üstünə getdilər? Özü də İlhamə xanımın üstünə indiyə qədər ondan həyatda hamıdan çox qorxan biri getdi".

Xatırladaq ki, İlhamə Quliyeva fevralın 25-də dünyasını dəyişib. Son aylar isə onunla mediada mübahisə edənlər xalq artisti Aygün Kazımova və əməkdar artıst Elza Sehidcahan olub.