Müğənni Elnarə Xəlilova “Əvəzimi tap” adlı yeni mahnısı üçün kameralar qarşısına keçib.

Kult.az xəbər verir ki, mahnının söz və musiqisi Şəhriyar Ramazanzadəyə məxsusdur. Klipin əsas süjet xətti kik-boksinq idman növü ilə məşğul olan insanlar üzərində qurulub. Ekran işində Elnarə kik-boks idman növü ilə məşğul olan xanımı canlandırır.

3 aydır bu obraza hazırlaşan müğənniyə tanınmış idmançılar, “Kobra” İdman klubunun müəllimləri Faiq Abdullayev və Mehman Umudov dərs keçir.

Klipin çəkilişləri Fövqəladə Hallar Nazirliyinin (FHN) İdman-sağlamlıq mərkəzində aparılır.
Mahnıya rejissor Bəhruz Qurbanlı quruluş verir.