Ukrayna Qərbin xəyanətindən qorxur.

Axar.az xəbər verir ki, bu barədə “Bild” nəşri yazıb.

“Ukrayna üçün təhlükə odur ki, Putin cümə günü görüşdə bir daha ABŞ prezidentini öz tərəfinə çəkə və Ukraynaya təzyiqi artıra bilər”, - nəşr qeyd edib.

AB diplomatlarından biri nəşrə açıqlamasında deyib ki, Putinə qarşı sərt sanksiyalara ümid edirdilər, indi isə birbaşa bunun əksi baş verir.

“Buna əsaslanaraq, Trampın Ukraynaya qarşı yerinə yetirilməsi mümkün olmayan tələblər irəli sürə biləcəyi ilə bağlı söz-söhbətlər var. Amma o da aydındır ki, ABŞ ukraynalıların iradəsinə zidd olaraq sadəcə olaraq torpaqların zəbt edilməsinə razı ola bilməz”, - nəşr bildirib.

“Bild” yazıb ki, bu həftə Ukrayna üçün taleyüklü ola bilər.