Milli Qvardiya qoşunları növbəti həftə paytaxt Vaşinqton küçələrində görünəcək.

Axar.az xəbər verir ki, bu barədə Pentaqon rəhbəri Pit Heqset bildirib.

O, Milli Qvardiyanın səfərbər edildiyini və ordu katibi Den Driskolin rəhbərliyi ilə fəaliyyət göstərəcəyini bildirib. Həmçinin əlavə edib ki, digər ixtisaslaşdırılmış bölmələr də Milli Qvardiyanın səfərbər olduğu bir vaxtda təhlükəsizlik əməliyyatlarını dəstəkləyəcək.

Qeyd edək ki, ABŞ Prezidenti Donald Tramp Vaşinqtonda polis idarəsini federal nəzarət altına alacağını və Milli Qvardiyanı şəhərə yerləşdirəcəyini açıqlayıb. O, bu addımı paytaxtı cinayətlərdən, qan tökülməsindən, səfalətdən xilas etmək üçün atacağını bildirib.

Tramp Vaşinqtondan başlayacağını, lakin cinayətə qarşı daha geniş mübarizənin ABŞ-ın digər ərazilərində də aparılacağını söyləyib.