Avqustun 19-da Ermənistanın xarici işlər naziri Ararat Mirzoyan İran prezidentinin nümayəndə heyətinin tərkibində İrəvana gələn İranın xarici işlər naziri Seyid Abbas Arakçı ilə görüşüb.

Axar.az xəbər verir ki, bu barədə Ermənistan Xarici İşlər Nazirliyi məlumat yayıb.

Mirzoyan və Arakçı iki ölkə arasında strateji tərəfdaşlığın inkişafı kontekstində əldə olunan razılaşmaların əhəmiyyətini vurğulayıb və bu istiqamətdə görüləcək işləri müzakirə ediblər.

Rəhbərlik səviyyəsində müzakirələri davam etdirən XİN başçıları regional kommunikasiyaların blokdan çıxarılması ilə açılan imkanlara və bu məsələdə əldə olunan qarşılıqlı anlaşmaya da toxunublar.