Rusiya Prezidenti Vladimir Putin Ukrayna Prezidenti Vladimir Zelenski İstanbulda görüşə bilər.

Axar.az xəbər verir ki, bu barədə Türkiyənin vitse-prezidenti Cövdət Yılmaz “Haber Türk”ə açıqlamasında deyib.

"Zelenski ilə Putin İstanbulda görüşə bilərlər - niyə də yox? Cənab prezidentimiz prosesi qətiyyətlə idarə etdi. O, Ukraynanın hüquqi mövqeyini qəbul edərək, digər tərəfdən cənab Putinlə də prosesi son dərəcə müsbət şəkildə yönləndirdi. Hər iki tərəflə etimad əsasında danışa bilən bir lider kimi vacib mövqedədir. Taxıl sazişindən tutmuş əsir mübadiləsinə qədər konkret nəticələr əldə olunub. Türkiyə həmişə bu problemin həlli üçün bir alternativdir”, - Yılmaz bildirib.