Rusiya Prezidenti Vladimir Putin və Ukrayna Prezidenti Vladimir Zelenski Ukraynadakı müharibəni özləri bitirməyə hələ hazır deyillər.

Axar.az xəbər verir ki, bu barədə Ağ Evin mətbuat katibi Karolina Levitt deyib.

Onun sözlərinə görə, ABŞ Prezidenti Donald Tramp Rusiyanın Ukraynaya qarşı müharibəsinə son qoymağa çalışır, lakin Putin və Zelenski də bunu istəməlidirlər.

"Hər iki tərəf hələ müharibəni özləri bitirməyə hazır deyil. Prezident Tramp bunun bitməsini istəyir, lakin iki ölkə liderlərinin də buna son qoymasını istəməsi lazımdır. Prezident daha sonra bu məsələ ilə bağlı əlavə açıqlamalar verəcək", - o bildirib.