Çin Kommunist Partiyası Mərkəzi Komitəsinin Siyasi Bürosunun üzvü Li Hunçjun Rusiya Prezidenti Vladimir Putinlə görüşdə maraqlı xatirəni yada salıb.

Axar.az xəbər verir ki, Li Hunçjun Putinin 2018-ci ildə Çinə səfəri zamanı göstərdiyi diqqəti xüsusi vurğulayıb.

O bildirib ki, həmin vaxt Putin Tiancin şəhərində səfərdə olarkən ənənəvi Çin yeməyi – qolubuli (buğda unundan hazırlanan buxarda bişmiş mantı) hazırlayıb. Çin rəsmisinin sözlərinə görə, bu addım ölkə vətəndaşları arasında böyük rəğbət doğurub:

“2018-ci ildə mən də Tiancində çalışırdım və həmin tədbirdə iştirak edirdim. Siz o zaman qolubuli yeməyi hazırladınız. Bu, Çin xalqında sizə qarşı dərin hörmət və simpatiya yaratdı. Siz hörmətli və sevilən prezident təsiri bağışladınız”.