Şahmat üzrə Ukrayna idman ustalığına namizəd Anton Boldırev rus işğalçıları ilə müharibədə həlak olub.

Axar.az Publika.az-a istinadən xəbər verir ki, bu barədə Ukrayna Şahmat Federasiyasının mətbuat xidməti məlumat yayıb.

O, 2022-ci ildən Ukraynanı müdafiə edib və sentyabrın 20-də Donetsk vilayətində həlak olub – 50 yaşı var idi.

Minaatan tağım komandiri uşaqlıqdan şahmatla maraqlanıb və turnirlərdə iştirak edib, daha sonra Ukraynanın idman ustası namizədi adını alıb.

Boldırev bir neçə dəfə gənclər arasında şahmat üzrə Ukrayna çempionatının final mərhələsində də çıxış edib, lakin peşəkar karyerasını inkişaf etdirə bilməyib.

O, uşaq ikən ailəsi ilə birlikdə köçdüyü Şostkada dəfn edilib.