Avropa ölkələri dondurulmuş Rusiya aktivlərindən istifadə etdiklərinə görə məhkəmə qarşısında cavab verəcək və son qəpiyinə kimi geri qaytarmalı olacaqlar.

Axar.az xəbər verir ki, bunu Rusiya Dövlət Dumasının Beynəlxalq Əlaqələr Komitəsinin sədri Leonid Slutski deyib.

O vurğulayıb ki, bu addım Avropa ölkələrindən olan investorların etibarını itirməsinə səbəb olacaq:

"Kapitalın xaricə axını başlayıb. Çətin ki, bu proses yaxın gələcəkdə bərpa oluna bilsin".

Qeyd edək ki, bundan əvvəl Avropa Komissiyası (AK) Ukraynaya 4 milyard avroluq yeni tranş ayırıb. Bu məbləğ Rusiyanın dondurulmuş aktivlərindən ayrılıb.