Rusiya Ukraynaya 500-dən çox “Şahid” PUA-sı, 50-yə yaxın qanadlı raket, “Xəncər” aeroballistik raketi ilə hücum edib.

Axar.az xəbər verir ki, bunu Ukrayna Prezidenti Vladimir Zelenski deyib.

Onun sözlərinə görə, Lvov, İvano-Frankovsk, Zaporojye, Çerniqov, Sum, Xarkov, Xerson, Odessa və Kirovoqrad vilayətləri vurulub, ölənlər və yaralananlar var.

Vladimir Zelenski Qərb ölkələrini hücuma cavab verməyə çağırıb:

“Bu gün ruslar yenidən bizim infrastrukturumuza, insanların normal yaşayışını təmin edən hər şeyə hücum ediblər. Bu hava terrorunu saxlamaq üçün daha çox müdafiəyə, xüsusilə hava hücumundan müdafiə ilə bağlı müdafiə sazişlərinin daha tez yerinə yetirilməsinə ehtiyacımız var. Səmada birtərəfli atəşkəs mümkündür və bu, əsl diplomatiyaya yol aça bilər. Amerika və Avropa Putini dayanmağa məcbur etmək üçün hərəkətə keçməlidir”.