Almaniyanın müdafiə naziri Boris Pistorius Almaniya hava məkanında aşkarlanan naməlum PUA-nın hələlik heç bir konkret təhlükə törətmədiyini bildirib.

Axar.az xəbər verir ki, bu barədə DW məlumat yayıb.

"Almaniya pilotsuz təyyarələrə qarşı müdafiə sahəsində əhəmiyyətli irəliləyiş əldə edib, lakin Bundesver bu dronların ölkə daxilində vurulmasına görə tam məsuliyyəti öz üzərinə götürə bilməz. Dövlət və federal polisin müəyyən yüksəkliklərdə fəaliyyət göstərmək üçün lazım olan bacarıqları inkişaf etdirməsi daha vacibdir", - o deyib.

Pistorius həmçinin daxili işlər naziri Aleksandr Dobrindtin pilotsuz təyyarələrə qarşı müdafiə mərkəzi yaratmaq planlarına şübhə ilə yanaşdığını vurğulayıb:

"Bu mərkəz yalnız potensial dron təhlükələrinə cavabdeh olacaq. Bununla belə, bir neçə təhlükəli ssenarinin yarana biləcəyini gözləməliyik".