Xəbər verdiyimiz kimi, Rusiya və Azərbaycan prezidentləri Vladimir Putin və İlham Əliyev oktyabrın 9-da Düşənbədə görüşəcəklər.

Axar.az xəbər verir ki, bu barədə danışan Kremlin sözçüsü Dmitri Peskov görüşün gündəliyini də elan edib.

Onun sözlərinə görə, tərəflər ilk növbədə danışıqların gündəliyinin əsas bəndi olacaq ikitərəfli münasibətlər məsələlərinə diqqət yetirməyi planlaşdırırlar.

Peskov qeyd edib ki, görüşün təşkili faktının özü iki liderin aktual əməkdaşlıq məsələlərini müzakirə etmək istəyini nümayiş etdirir.

O, həmçinin əlavə edib ki, Azərbaycan tərəfi adından danışa bilməz, amma Rusiya konstruktiv və müsbət dialoqa sadiqdir.