İsrail 20 sağ israilli girova qarşılıq olaraq təxminən 1950 fələstinli məhbusu azad edəcək. Bura ömürlük həbs cəzası alan 250 nəfər və müharibənin başlanğıcından bəri həbs olunan 1700 nəfər daxildir.

Axar.az xəbər verir ki, bu barədə AFP HƏMAS-ın yüksək vəzifəli rəsmisinə istinadla məlumat yayıb.

“Bu mübadilə razılaşmanın icrasından 72 saat sonra həyata keçiriləcək və razılaşma digər fələstinli qruplarla da razılaşdırılıb.

Atəşkəsin ilk beş günü ərzində Qəzzaya gündəlik minimum 400 yük maşını yardım buraxılacaq və bu say sonrakı günlərdə artırılacaq.

Razılaşma qüvvəyə mindikdən sonra Qəzzanın cənubundan köçkünlərin Qəzza şəhərinə və şimala qayıdışına dərhal icazə veriləcək”, - rəsmi qeyd edib.