Türkiyə olaraq İsrail-HƏMAS razılaşmasının yerinə yetirilməsinə yerlərdə nəzarət edəcək işçi qrupunun tərkibində biz də olacağıq.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

Onun sözlərinə görə, Türkiyə sazişin razılaşdırılmış müddəalarının düzgün şəkildə yerinə yetirilməsinə ciddi nəzarət edəcək:

“Biz əvvəldən fəal şəkildə töhfə verdiyimiz müqavilədən çox məmnunuq. Bundan sonra Qəzzaya hərtərəfli humanitar yardımın çatdırılması, girov və əsir mübadiləsinin həyata keçirilməsi, İsrailin hücumlarını dərhal dayandırması və müəyyən edilmiş xətlərə geri çəkilməsini təmin etmək çox vacibdir.

Qəzzanın bərpasına kömək etmək üçün beynəlxalq ictimaiyyətlə birlikdə yenidənqurma səylərini dəstəkləyəcəyik. Məqsədimiz soyqırıma son qoymaq və bölgəyə mümkün qədər tez bir zamanda sülh gətirməkdir”.