Hicab qaydalarını pozanlara qarşı münasibətlə bağlı dediyim fikirlər yanlış anlaşılıb.

Axar.az xəbər verir ki, bunu İran Məsləhət Şursının üzvü Məhəmməd Rza Bahonər deyib.

İran televiziyasında çıxış edən Bahonər onun ifadələrindən bəzilərinin sui-istifadə etdiyini və məsələnin mahiyyətinin təhrif edildiyini bildirib:

“Mən hicabsızlığın qarşısının alınmasının əleyhinə deyiləm, sadəcə hicabsızlığa qarşı tətbiq olunan metodların dəyişdirilməsinin vacibliyini demişəm”.

Məhəmməd Rza Bahonər əlavə edib ki, heç kim hicabın əhəmiyyətsiz və qeyri-zəruri olduğunu deyə bilməz.

Qeyd edək ki, bir neçə gün əvvəl bir sıra media orqanları Məhəmməd Rza Bahonərə istinadla “İranda məcburi hicab qanununun icrası dayandırıldı” başlıqlı məlumat yaymışdı.