ABŞ Prezidenti Donald Tramp ABŞ Hərbi Dəniz Qüvvələrinin Karib dənizində narkotik daşıyan sualtı qayığı məhv etdiyini açıqlayıb.

Axar.az xəbər verir ki, Tramp bu barədə öz sosial şəbəkə hesabında paylaşım edib.

O bildirib ki, ABŞ kəşfiyyatı gəminin fentanil və narkotiklərlə yükləndiyini təsdiqləyib.

“Sualtı qayığın göyərtəsində dörd nəfər olub, onlardan ikisi sağ ələ keçirilib, ikisi isə gəmi ilə birlikdə məhv edilib.

Əgər mən bu sualtı qayığın sahilə çıxmasına icazə versəydim, azı 25 000 amerikalı ölə bilərdi. Sağ qalan iki terrorçu öz ölkələri – Ekvador və Kolumbiyaya geri göndərilir ki, məhkəmə qarşısına çıxarılsınlar. Bu əməliyyat zamanı heç bir amerikalı əsgər xəsarət almayıb”, – deyə Tramp yazıb.