PKK idarəedicisinin açıqlaması ABŞ-İsrail ittifaqının Türkiyəyə yönəlik üstüörtülü təhdidi kimi qəbul edilməlidir.

Axar.az xəbər verir ki, bunu Türkiyənin istefada olan kəşfiyyat polkovniki Coşqun Başbuğ deyib.

Başbuğ ABŞ-ın Kiprdə (yunan tərəfi) həm İsrail, həm də Suriyadakı SDQ terrorçuları üçün logistik mərkəz rolunu oynayan yeni bazalar yaratdığına diqqət çəkir.

O, ABŞ, Böyük Britaniya və İsrail blokunun Şərqi Aralıq dənizində yeni bir ittifaq formalaşdırdığını iddia edib:

"Britaniya kəşfiyyatı Kipr vasitəsilə Yaxın Şərqi izləyir. Kalkanın mesajı ABŞ-İsrail ittifaqının Türkiyəyə qarşı üstüörtülü təhdidi kimi şərh edilməlidir".

Qeyd edək ki, terrorçubaşı Duran Kalkanın “Bu müharibənin mərkəzi Türkiyədir” açıqlaması Türkiyə ictimaiyyətində ciddi müzakirələrə səbəb olub.