Ukraynada sülh ABŞ və Çin liderlərinin razılığa gəlməsindən asılıdır, çünki bu müharibə Vaşinqton və Pekin arasında qlobal qarşıdurmanın vacib hissəsinə çevrilib.

Axar.az xəbər verir ki, bu fikri Ukrayna Strateji Araşdırmalar İnstitutunun direktor müavini Vyaçeslav Potapenko deyib.

"ABŞ-Çin danışıqları olmadan müharibənin bitməsi üçün heç bir imkan görmürəm. Mən son üç il yarım ərzində ABŞ və Çin tərəfindən təcəssüm etdirilən Qlobal Qərb və Qlobal Cənub arasında qlobal qarşıdurmanın bir hissəsinə çevrilən Rusiya-Ukrayna müharibəsini nəzərdə tuturam", - deyə analitik bildirib.

O, Tramp və Si Szinpinin yeni "geosiyasi tarazlıq” barədə razılığa gələnə qədər müharibənin bitməyəcəyini söyləyib.