Ukraynada müharibə özünün ən kəskin mərhələsindədir, lakin ukraynalı müdafiəçilər müəyyən irəliləyiş əldə edirlər.

Axar.az xəbər verir ki, bu barədə Ukrayna Milli Qvardiyasının komandanı Aleksandr Pivnenko bildirib.

"Hazırda kritik mərhələdəyik: Kupyansk, Pokrovsk və Liman əraziləri... Amma mən Milli Qvardiyanın hərbçilərindən danışacağam: biz öz mövqelərimizi saxlayırıq və hücum əməliyyatları keçiririk. Hazırda Pokrovsk və Kupyansk sektorlarında ayrı-ayrı xüsusi təyinatlı birləşmələr işləyir. Bəzi sahələrdə, xüsusən də Kupyansk sektorunda irəliləyiş əldə edirik.

Donetsk vilayətinin Mirnoqrad rayonu yaxınlığında da uğurlar var. Bəzi yerlərdə vəziyyəti sabitləşdirməyə və düşməni geri çəkilməyə məcbur etməyə nail oluruq. Bununla belə, bu, vaxt tələb edir”, - o qeyd edib.