Rusiya Prezidenti Vladimir Putin Ukraynadakı döyüş meydanında qalib gələ biləcəyinə əmindir, lakin reallıq tamam başqadır.

Axar.az xəbər verir ki, bu barədə “La Stampa” nəşri ABŞ kəşfiyyat orqanlarına istinadla yazıb.

“ABŞ kəşfiyyatı belə qənaətə gəlib ki, Putin Ukraynadakı döyüş meydanında siyasi deyil, bir sıra hərbi-texniki səbəblərə görə qalib gələ bilməz. Və Tramp, təbii ki, bundan xəbərdardır.

Rusiyanın döyüş meydanında qələbə qazanmasına mane olan dörd amil var: ehtiyatda olan hərbçilərin kütləvi şəkildə cəbhəyə yeridilməsi, çətin iqtisadi vəziyyət, döyüş meydanında qeyri-mütənasib ərazi qazancları və Ukraynanın hərbi-texniki imkanları”, - nəşr bildirib.