ABŞ öz diplomatları vasitəsilə digər ölkələri BMT-nin "Net Zero" proqramı çərçivəsində gəmilərə karbon vergisinin tətbiqini dəstəklədikləri təqdirdə onları mümkün sanksiyalarla hədələyir.

Axar.az xəbər verir ki, bu barədə "Faynənşl Tayms" mənbələrə istinadən məlumat yayıb.

"Bir qrup Amerika rəsmisi Sakit okean və Karib hövzəsindəki Afrika və kiçik ada dövlətlərini qorxudub, onları proqrama dəstəyini geri götürməyə məcbur edib. Bu mövzuda görüşlər Londonda baş tutub və Amerika nümayəndə heyəti səkkiz diplomatdan ibarət olub. Onlar digər ölkələrdəki həmkarlarını dənizçilərə qarşı sanksiyalarla, eləcə də xarici diplomatların ABŞ-a girişinə məhdudiyyətlərlə hədələyiblər", — mənbə bildirib.