Nyu York şəhərinin Demokratlar Partiyasından bələdiyyə sədrliyinə (mer) namizədi olan Zöhran Məmdani səslərin 50,6 faizini toplayaraq Nyu Yorkun ilk müsəlman bələdiyyə sədri olub.

Axar.az xəbər verir ki, bu barədə "Assoşeyted Press" ilkin qeyri-rəsmi nəticələrə istinadən məlumat yayıb.

Yerli vaxtla saat 21:00-da səsvermə başa çatdıqdan sonra bülletenlərin 83 faizi sayılıb.

Məmdani səslərin 50,6 faizini toplayaraq ən yaxın rəqibi, müstəqil namizəd Endryu Kuomodan təxminən 9 faiz öndə olub.

Kuomo səslərin 41,4 faizini, respublikaçı namizəd Körtis Sliva isə 7,3 faizini toplayıb.

34 yaşlı Məmdani Nyu York şəhərinin ilk müsəlman bələdiyyə sədri olaraq tarixə düşüb.