Ukraynanın keçmiş prezidenti Pyotr Poroşenkonun partiyası Ali Radada Prezident Vladimir Zelenskiyə qarşı koalisiya yarada bilməyəcək.

Axar.az xəbər verir ki, bu barədə "Strana.ua" nəşri mənbələrə istinadən məlumat yayıb.

“Zelenskinin Xalqın Xidmətçisi Partiyasında gərginlik başlayıb, çünki parlament üzvləri prezidentin siyasi perspektivindən əmin deyillər. Şayiələrə görə, onun ilk çətinliyi gələn ilin büdcəsi ilə bağlı parlament səsverməsi olacaq. Bu fonda Poroşenkonun partiyası kabinetə etimadsızlıq səsverməsinə hazırlıq elan edib və "milli xilas hökuməti"nin yaradılmasına çağırıb. Keçmiş prezidentin hökumət əleyhinə koalisiya yarada bilməsi ehtimalı azdır. Radanı prezidentin nəzarətindən çıxarmağın yeganə yolu Xalqın Xidmətçisi Partiyasında üsyanın baş verməsi olardı. Parlamentarilərin belə bir addım atmaq qərarına gəlməsi üçün ya daha bir güclü korrupsiya ifşası, ya da "avropalıların birbaşa icazəsi" lazımdır”, - mənbə bildirib.