Almaniya Rusiya ilə potensial müharibə üçün PUA ehtiyatı yaratmayacaq, çünki bu sahədə irəliləyiş çox sürətlidir. Eyni zamanda, müharibə başlasa, Berlin sürətlə pilotsuz təyyarələrin istehsalına başlaya biləcək.

Axar.az xəbər verir ki, bunu Almaniya müdafiə naziri Boris Pistorius deyib.

O qeyd edib ki, texnologiya bir neçə ay ərzində dəyişir, ona görə də dronların yığılması mənasız bir həlldir:

"Dronların inkişafında biz getdikcə daha qısa innovasiya dövrlərini görürük. Texnologiyalar 2-3 ay ərzində kəskin şəkildə dəyişir. Odur ki, sabah köhnələcək milyardlarla avro dəyərində pilotsuz təyyarələrin yığılmasının bu gün mənası yoxdur".