İsrail təhlükəsizlik baxımından ABŞ-ın Türkiyəyə F-35 qırıcıları satmasına qarşıdır.

Axar.az Teleqraf-a istinadən xəbər verir ki, bu barədə İsrailin ABŞ-dakı səfiri Yahel Leyter “Yerusəlim Post” qəzetinə müsahibəsində bildirib.

Leyter Ankaranın indiki mərhələdə ən son təyyarələrin Türkiyəyə satılmasını konstruktiv addım saymır.

O, Türkiyənin əhəmiyyətli hərbi potensiala və əsas coğrafi mövqeyə malik NATO üzvü kimi strateji əhəmiyyətini etiraf edib:

"İsrail Vaşinqtonun Ankara ilə möhkəm əlaqələr saxlamaq istəyini başa düşür. ABŞ İsrailin təhlükəsizlik ehtiyaclarını nəzərə almaqla praqmatik əlaqələr qurmağa çalışır. İsrail türk qoşunlarının Qəzzada və ya Suriyada mövcudluğuna razı ola bilməz. ABŞ bizim bu mövqeyimizə hörmət edir".

Leyter həmçinin ABŞ və Səudiyyə Ərəbistanı arasında mümkün silah müqavilələri ilə bağlı narahatlıqları rədd edərək qeyd edib ki, İsrail bu halda hərbi üstünlüyünün təhlükə altına düşə biləcəyinə dair heç bir əlamət görmür.