Prezident Donald Trampın təsdiqi ilə Konqres Rusiyaya qarşı əlavə sanksiyalar tətbiq edən ikipartiyalı qanun layihəsi ilə irəliləyir.

Axar.az xəbər verir ki, bunu amerikalı senator Lindsi Qrehem bildirib.

Onun sözlərinə görə, qanun layihəsi Trampa Ukraynada axan qanı dayandırmaq üçün daha çox imkan verəcək.

“Qanun layihəsi ABŞ prezidentinə Rusiyadan ucuz neft və qaz almağa davam edən ölkələrə qarşı ikinci dərəcəli sanksiyalar və tariflər tətbiq etməyə imkan verir”.

Qrehem əlavə edib ki, qanun layihəsi Amerika liderinə Putini sülh danışıqlarına sövq etmək üçün daha çox çeviklik və imkan verəcək, təkcə Rusiyaya deyil, Putin rejimini dəstəkləyən İrana da təsir edəcək.