Ukrayna Rusiya tərəfindən kritik infrastruktur obyektlərinə endirilən hava zərbələrinə baxmayaraq, qış fəslindən sağ çıxa biləcək.

Axar.az xəbər verir ki, bu sözləri Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.

“Əslində qış artıq başlayıb, təqvimə görə hələ yox, amma faktiki olaraq artıq başlayıb”, – Budanov bildirib.

“Ümidverici xəbər var. Nə baş verməsindən asılı olmayaraq, biz bu qışı hər halda keçirəcəyik. Bunu hamı anlayır. Elə düşmənimiz də bunu çox yaxşı anlayır. Məncə, biz də bunu anlayırıq. Bu qış ağır ola bilər, amma yenə də, biz onu keçirəcəyik”, - o söyləyib.

Onun sözlərinə görə, Rusiyanın energetika obyektlərinə zərbələrə başlamamışdan öncə dərin araşdırmalar aparıb.