Keçmiş UFC çempionu Həbib Nurməhəmmədov sosial media hesabında mübahisə zamanı keçmiş UFC çempionu Konor Makqreqorun Dağıstanda reabilitasiyadan keçməsini təklif edib.

Axar.az xəbər verir ki, mübahisə papaqların yer aldığı rəqəmsal kolleksiyaların sosial mediada satışı ilə bağlı yaranıb.

Makqreqor Həbibi fırıldaqçılıqda ittiham edib və onu “səfeh” adlandırıb.

"Dağıstandakı reabilitasiya mərkəzlərimdə 56 keçmiş narkomanı öz hesabıma müalicə etmişəm. Konor, Dağıstana gəl, burada sənin qayğına qalacaqlar. Gördüyüm qədəriylə Meksika sənə kömək etməyib", - deyə Nurməhəmmədov Makqreqorun tənqidinə cavab olaraq yazıb.