FETÖ lideri Fətullah Gülənin 1976-ci ildə Manisa vaizi olarkən Manisa Ruhi Psixiatrik Xəstəxanasında yatdığı iddia edilib.

Axar.az Taymtürk-ə istinadən xəbər verir ki, Fətullah Gülən İzmir vaizi təyin edildikdən sonra Manisaya maraq göstərib və buradakı vaizilərlə əlaqə yaradıb.

Bu əlaqələr vasitəsilə təşkilatın yaradılması istiqamətində ilk addımını atdığı bildirilir. Daha sonra Ədrəmit vaizi təyin edilən Gülən regiondan ayrılmaq istəməyib və qısa müddətdə (1974-ci ildə) Manisa vaizi təyin edilib.

Muradiyə məscidində vaizlik edən Gülən Manisada təşkilatını yaratmağa başlayıb.

FETÖ liderinin o illərdəki fəaliyyətindən bəhs edən yazar Süleyman Yaşılyurdun "Pensilvaniya Canbazı" adlı kitabında bəzi detallar açıqlanıb. Belə ki, Gülənin Manisa vaizi olarkən İzmir Qala Məscidinə təyinat almaq istədiyi, ancaq buna nail ola bilmədiyi üçün stress yaşadığı iddia edilib.

Xəstəxanada bir ay müalicə alan Gülənin durumunun yaxşılaşması üçün İzmir Bucaya vaiz təyin edildiyi də kitabda qeyd edilib.