Jurnalist Sevil Nuriyeva xalq artisti Zeynəb Xanlarova ilə görüşüb.

Axar.az xəbər verir ki, o bu barədə Feysbukda paylaşım edib.

“Bu gün İstanbulda türk dünyasının əfsanəvi sənətkarı, dəyərli Zeynəb Xanlarova ilə yenidən görüşməyin sevincini yaşadım. Ona heyranlıq edəndə balaca uşaq idim. İllər keçdi və aramızda ailə dostluğumuz başladı. O, televiziya verilişlərimin qonağı olurdu, nə vaxt dəvət etsəm, həmişə müsbət cavab verirdi.

Tarixi hadisələrin şahidi olmuş, milli kimliyi və yaddaşı özündə təcəssüm etdirən, millət və vətən dəyərlərinə sahib əfsanəvi şəxsiyyət... Zeynəb Xanlarova ilə uzun söhbətdən aldığım ilhamı sözlə ifadə edə bilmirəm. O mənə həmişə "Sevil can" deyə müraciət edir. Uşaqkən nənəm belə deyirdi. Bilmirəm niyə, amma yenə də çox kövrəldim. Əziz Zeynəb xanım, Allah sizi qorusun. Ömrünüz bərəkətli olsun, - o qeyd edib.

Xatırladaq ki, Z.Xanlarovanın Türkiyədə implant əməliyyatı keçirdiyi haqda məlumat yayılmışdı.