Rusiya hər ay cəbhədə təxminən 30 min əsgərini itirir.

Axar.az xəbər verir ki, bunu Ukrayna Prezidenti Vladimir Zelenski Niderland parlamentindəki çıxışında deyib.

“Putin insanlara inanmır. O, yalnız gücə və pula inanır. Hər ay cəbhə xəttində təxminən 30 min əsgərin həyatını xərcləyir. Yaralı deyil, hər ay 30 min ölü. Bu ölümləri təsdiqləyən dron videolarımız var. Amma Putinin vecinə deyil”, - Zelenski bildirib.

Onun sözlərinə görə, ruslar ölənlərini saymırlar, amma itirdikləri hər dolları, hər avronu sayırlar:

“Buna görə də Rusiyanın pulları üçün güclü bir həll yoluna ehtiyacımız var və bunlar Rusiyadan qorunmaq üçün işləməlidir. Sizi buna dəstək olmağa çağırıram”.