PKK silahlarını yerə qoyacağını elan etdikdən sonra Şimali İraqdan İrana qüvvə, silah və sursat köçürməyə cəhd edib.

Axar.az xəbər verir ki, bunu Türkiyənin müdafiə naziri Yaşar Gülər deyib.

“Türkiyə bu hərəkətlər barədə Tehranı davamlı olaraq məlumatlandırıb və İran da buna qarşılıq olaraq bu ünsürlərə qarşı əməliyyatlar həyata keçirib”, - nazir əlavə edib.

İsrail-İran müharibəsinə toxunan Gülər ​​həmçinin bildirib ki, bu münaqişə zamanı İrandakı PJAK terror qruplaşması ilə əlaqəli qüvvələr İran rejiminin zəiflədiləcəyini və ya devriləcəyini düşünürdülər:

“Ancaq bu ssenari gerçəkləşmədikdən sonra İran PJAK-a qarşı əməliyyatlar keçirdi və qruplaşma ağır itkilər verdi”.