Tehranda Əfqanıstanın Təxar vilayətinin keçmiş polis rəisi, general Əkrəməddin Sariyə qarşı silahlı terror hücumu təsdiqlənib.

Axar.az xəbər verir ki, bu barədə İran mediası məlumat yayıb.

General dekabrın 24-də evinə qayıdarkən naməlum silahlı şəxslər tərəfindən açılan atəş nəticəsində həlak olub.

Əfqanıstan Milli Müqavimət Cəbhəsinin Siyasi Komitəsinin sədri Əli Meysam Nəzəri hadisəni “açıq cinayət” adlandıraraq, general Sarinin uzun illər Əfqanıstan xalqının təhlükəsizliyi üçün çalışdığını və onun ölümünün ölkə üçün böyük itki olduğunu bildirib.

Nəzərinin sözlərinə görə, bu sui-qəsd Talibanın yalnız Əfqanıstan daxilində deyil, ölkə hüdudlarından kənarda da müxalif fiqurları hədəf alma siyasətinin davam etdiyini göstərir.