Prezident gərginliyin azaldılması üçün bir neçə variant təklif etdi, lakin bütün proses boyu açıq şəkildə bildirdi ki: narkotik ticarəti dayandırılmalı və oğurlanmış neft ABŞ-a qaytarılmalıdır.

Axar.az xəbər verir ki, bunu ABŞ-ın vitse-prezidenti Ceyms Devid Vens Nikolas Maduronun saxlanılması əməliyyatını şərh edərkən deyib.

"Maduro Prezident Trampın sözünün üstündə durduğunu görən növbəti şəxs oldu. Həqiqətən təsirli bir əməliyyat keçirən cəsur xüsusi təyinatlı əsgərlərimizə təşəkkür edirik", - o bildirib.

Qeyd edək ki, bu gün ABŞ ordusu Karakasa zərbə endirib və ölkə Prezidenti Maduro və həyat yoldaşını ələ keçirərək, ABŞ-a aparıb.