Xəbər verildiyi kimi, ABŞ-ın Venesuelaya hücumu nəticəsində Prezident Nikolas Maduro və həyat yoldaşı ələ keçirilərək Nyu Yorka gətirildilər.

Axar.az-ın Lent.az-a istinadən xəbərinə görə, ötən ilin avqust ayında Baş prokuror Pam Bondi Maduronun 700 milyon dollarlıq aktivlərinin - o cümlədən lüks təyyarələr, əmlaklar, avtomobillər, zərgərlik əşyaları və nağd pulun müsadirə edildiyini açıqlayıb.

Maduronun aktivlərinin siyahısı belədir:

Dassault FALCON 900EX reaktiv təyyarəsi

Maduronun "prezident təyyarəsi" kimi istifadə etdiyi bu təyyarə 2024-cü ilin sentyabr ayında ABŞ tərəfindən Dominikan Respublikasında müsadirə edilərək Floridaya aparılıb. Təxminən 13 milyon dollar dəyərindədir.

2025-ci ilin fevral ayında Dominikan Respublikasında ikinci özəl təyyarə müsadirə edilib. Bu təyyarədən həmçinin Maduro rejiminin yüksək vəzifəli şəxsləri də istifadə edirdi.

• Dominikan Respublikasında bir malikanə

• Floridada bir neçə lüks ev

• At ferması

• Doqquz ədəd lüks avtomobil

• Milyonlarla dollar nağd pul və zərgərlik əşyaları.