00:35

Sentyabrın 27-də saat 22:15 radələrində Gəndov–Yalama avtomobil yolunun Xaçmaz rayonunun Çarxı kəndi ərazisindən keçən hissəsində yol-nəqliyyat hadisəsi baş verib.

Axar.az xəbər verir ki, əks istiqamətlərdə hərəkətdə olan VAZ-2106 və VAZ-2107 markalı minik avtomobillərinin toqquşması nəticəsində üç nəfər ağır xəsarət alıb.

Hadisə şahidlərinin bildirdiyinə görə, avtomobillərdə ümumilikdə altı nəfər olub.

Yaralılar təcili tibbi yardım avtomobilləri ilə Xaçmaz Rayon Mərkəzi Xəstəxanasına çatdırılıblar.

Hadisə yerinə Dövlət Yol Polisi əməkdaşları cəlb olunub.

Faktla bağlı araşdırma aparılır.

***

Qəza nəticəsində 9 nəfər xəsarət alıb. Yaralılar təcili tibbi yardım avtomobilləri ilə Xaçmaz Rayon Mərkəzi Xəstəxanasına çatdırılıblar.