2026.09.27. 23:33

Ukraynanın paytaxtı Kiyevdə yenidən partlayışlar qeydə alınıb.

Axar.az “Strana.ua” nəşrinə istinadən xəbər verir ki, şəhərdə hava həyəcanı siqnalı işə düşüb.

Qeyd edək ki, səhər saatlarında da Rusiya tərəfi dronlarla Kiyevə zərbə endirmişdi.

***

Rusiya ordusu sentyabrın 27-si axşam saatlarında Ukraynanın Kiyev şəhərinin ən böyük “Stoliçnı” bazarına hava zərbəsi endirib.

Kiyev vilayət Prokurorluğunun yaydığı məlumata görə, hava hücumu zamanı bazarda yanğın baş verib və nəticədə iki nəfər ölüb, 10 nəfər isə yaralanıb.

Qeyd edək ki, “Stoliçnı” bazarında azərbaycanlılar da çalışır. İlkin məlumata görə, həlak olanlar və xəsarət alanlar arasında soydaşlarımız da var.