Maduronu Mərkəzi Kəşfiyyat İdarəsinə yaxın çevrəsindən olan şəxs satdı.

Axar.az xəbər verir ki, bu barədə “Nyu York Tayms” məlumat yayıb.

Məlumata görə, MKİ-nin kiçik qrupu avqustun əvvəlində Venesuelada gizli fəaliyyətə başlayıb:

“Əməliyyat planında Maduronun yaxın çevrəsindən olan bir şəxs — diktatorun şəxsi iqamətgahına məhdudiyyətsiz giriş hüququ olan bir köstəbək iştirak edib.

“Bu qrup diktatoru həm də dronlardan istifadə edərək izləyirdi. Agentlər onun necə hərəkət etdiyini, harada yaşadığını, hara getdiyini, nə yediyini, nə geyindiyini, hətta hansı ev heyvanlarına sahib olduğunu öyrənirdilər”, - ABŞ hökumətinin baş hərbi müşaviri Den Keyn bildirib.

Keynin sözlərinə görə, Maduronun ələ keçirilməsində mikrodronlardan istifadə edilib:

“Onlar iqamətgahın real vaxt rejimində 3D xəritəsini yaratdılar. Bu, əsgərlərə dəbilqələrindəki displeylər vasitəsilə maneələri, cangüdənləri və Maduronun özünü görməyə imkan verdi. Biz sözlə, divarın o üzünü belə”.

“Nyu York Tayms” yazıb ki, bununla belə, MKİ-nin köstəbəyi həlledici faktor olub:

“O, Maduronun yataq otağına və seyf otağına açılan nəhəng polad qapıların kilidlənərkən qısa mexaniki gecikmə olduğunu bildirdi. “Delta Fors” da prezidenti ələ keçirmək üçün cəmi bir neçə saniyəlik bu pəncərədən istifadə etdi. Köstəbək həmçinin Maduronun yataq otağına getdiyini və mühafizəçilərinin rahat olduqlarını şifrələnmiş kanal vasitəsilə təsdiqləyib”.