Venesuelanın ABŞ tərəfindən ələ keçirilən Prezidenti Nikolas Maduronu Vikiliksin keçmiş rəhbəri Culian Assancın vəkili Barri Pollak müdafiə edəcək.

Axar.az xəbər verir ki, bu barədə “NBS Nyus” məlumat yayıb.

“Maduro Nyu Yorkdakı “Harris St. Laurent & Weschler LLP” hüquq firmasının tərəfdaşı Barri J. Pollakla razılaşıb. O, bazar ertəsi keçirilən ilk məhkəmə iclasında Maduro ilə birlikdə iştirak edib”, - məlumatda qeyd olunub.

Qeyd edək ki, Barri Pollak hüququn geosiyasətlə kəsişdiyi işlərdə ixtisaslaşmış və hakimləri inandırmaq bacarığına malik bir vəkil kimi tanınır. Lakin hüquq dairələrində Pollak daha çox Vikiliksin qurucusunun müdafiə strategiyasının əsas memarı kimi məşhurdur.