13:48

Avropa liderləri ABŞ Prezidenti Donald Trampın Qrenlandiya ilə bağlı açıqlamalarını ciddi qəbul etməlidirlər, çünki ada qlobal raketdən müdafiə sistemi üçün vacibdir.

Axar.az xəbər verir ki, bunu ABŞ vitse-prezidenti Ceyms Di Vens deyib.

"Avropa liderlərinə və hər kəsə məsləhətim odur ki, ABŞ prezidentini ciddi qəbul etsinlər. O, Qrenlandiya haqqında nə dedi? Birincisi: Qrenlandiya təkcə Amerika raketdən müdafiəsi üçün deyil, həm də bütün dünyanın raketdən müdafiəsi üçün həqiqətən vacibdir", - Vens qeyd edib.

Vitse-prezident həmçinin düşmənlər tərəfindən bölgəyə artan marağın olduğunu qeyd edib.

Vensin sözlərinə görə, ABŞ dövlət katibi Marko Rubio gələn həftə Danimarka və Qrenlandiya rəhbərliyi ilə bu məsələləri müzakirə etmək üçün görüşməyi planlaşdırır.